Ma rnexxilekx tiġi fuq il-Mobile Unit tagħna?

Iċ-Ċentru tal-Informazzjoni tal-Kampanja L-ILMA – Ibda Minnek jinstab ġewwa GĦAJN – iċ-Ċentru Nazzjonali dwar l-għarfien tal-Konservazzjoni tal-Ilma fir-Rabat. Il-ħinijiet tal-ftuħ u l-post fejn jinsab dan iċ-ċentru, jinsabu hawn.

Ġentilment kun af li waqt li l-kampanja tkun preżenti f’xi fieri jew avvenimenti oħra lokali, ma jkunx possibbli li nqassmu l-Gift Pack u Kits għall-konservazzjoni tal-Ilma. It-tqassim ser isir biss waqt it-Town Tours, iġifieri meta nkunu preżenti bil-Mobile Unit fl-ibliet u irħula jew minn GĦAJN fiċ-Ċentru tal-Informazzjoni tal-Kampanja f’każ li ma jinġabarx l-Gift Pack u l-Kit.

Żur il-Mobile Unit tal-kampanja L-ILMA – Ibda Minnek meta din tkun fil-belt jew raħal tiegħek bħala parti mit-Town Tours li ser jibdew f’Jannar.

It-tim tagħna ser ikun qed iqassam gadgets għall-konservazzjoni tal-ilma fid-dar tiegħek sabiex inti wkoll tkun tista’ tibda tiffranka l-ilma. Dan huwa tajjeb għall-ambjent u anki għal butek!

X’se nkunu qegħdin inqassmu?

Ftit għajnuna tagħmel differenza kbira! It-tim tad-distribuzzjoni tagħna ser iqassam Gift Pack wieħed għall-konservazzjoni tal-ilma f’kull residenza primarja f’Malta u Għawdex. Postijiet b’kirjiet twal li għandhom kontijiet tal-enerġija rreġistrati fuq isimhom huma eliġibbli wkoll.

Kull Gift Pack fih:

• Voucher li bih tista’ tiġbor ħames gadgets oħra għall-konservazzjoni tal-ilma b’xejn! Preżenta dan il-voucher flimkien ma’ ID Card ta’ xi ħadd li jgħix f’darek fuq il-Mobile Unit jew fiċ-Ċentru tal-Informazzjoni tal-Kampanja, sabiex issarraf kit għall-konservazzjoni tal-Ilma.
• Issib scraper li permezz tagħha tkun tista’ tnaddaf zlazi jew xaħmijiet żejda minn fuq il-platti qabel ma tpoġġihom fid-dishwasher, minflok tlaħlaħhom. B’hekk frankajt madwar 9 litri t’ilma fil-minuta li jikkonsma vit miftuħ.
• Gadget għall-konservazzjoni tal-ilma li tista’ tinstalla mal-vit tal-kċina sabiex ittejjeb l-effiċjenza fil-konsum tal-ilma. Ser issib ukoll ktejjeb bl-istruzzjonijiet – klikkja hawn biex tara l-istruzzjonijiet dwar l-installazzjoni.

Mhux dejjem inkun id-dar!

Jekk ma tkunx id-dar, tinkwieta xejn! Ser inħallulek nota sabiex navżawk li ġejna sa għandek u ma sibnikx. Din in-nota tkun tista’ tippreżentaha flimkien mal-karta tal-identità fuq il-Mobile Unit tagħna jew fic-Ċentru tal-Informazzjoni tal-Kampanja, sabiex issarraf il-Gift Pack u l-Kit għall-konservazzjoni tal-Ilma tiegħek.